122.Shujaa Mkubwa

1. Shujaa mkubwa,
Bwana wetu,
leo umejikalisha
kitini kwa Babako.
Ufalme wote ni wako,
umeshinda maadui,
hawana nguvu tena.
Umepewa enzi kubwa,
kufa pia na uzima,
vyote unavitawala.


2. Malaika wote
wa mbingu
wanakusifu kwa nyimbo
wanakutumikia.
Ulipotoka mbinguni
ukaja kutuokoa,
na umerudi leo.
Sasa, wako utukufu;
nasi tunakushukuru,
tunasifu Jina lako.


3. Twataka kutafuta tu
ufalme wako wa mbingu.
Utupe nguvu zako,
tushike mwenendo 
mwema,
tusiwe wenye kiburi
ila wanyenyekevu.
Tuepuke kila kosa,
tufuate njia yako
ya kuingia mbinguni.


4. Yesu mwana wa Daudi
uliyetupatanisha
na Bwana Mungu wetu.
Ulipokwenda mbinguni
umetutengenezea
makao ya milele.
Tuongoze, tusichoke,
tusafiri siku zote;
kwani watungoja kwako.



 

Comments

Post a Comment

Popular posts from this blog

17. Tuimbe na kusifu

Tuimbe na kusifu Kwa nyimbo za furaha: Yesu Bwana wetu  amezaliwa leo Zizini Bethlehemu. Furaha ya mioyo. Mponya na mwokozi, Tunakusifu 2. Nakutamani sana, uliyetoka juu. Ee Mwokozi mwema tuliza moyo wangu, unipe neema yako, Kitoto cha huruma. Univute juu, univute juu. 3. Rehema zake Mungu ni nyingi, alimtuma Mw/ana wake Yesu, awakomboe watu, atufanyie njia, tufike tena kwetu. Kwetu ni kwa Mungu, kwetu kwa Mungu. 4. Na watu wakaao katika giza wote wanakungojea Wewe Mwokozi wetu, na kukufurahia uliyetukomboa. Yesu Bwana wetu twakutukuza.
Read more

32 Kitoto Mpenzi Lala Wee

Sauti: Kijerumani. T.B. 17, P. B. Ill 7.2, N.K. 30 Asili: Kadriga 1706 Mtunga maneno: Schubert, 1734-1791 Wimbo: Schlaf wohl, du Himmelsknabe du 1. Kitoto mpenzi lala wee, Kitoto wa mbingu! Malaika wakupepea ulale kwa raha. Nasi maskini wachunga tunakubembeleza wee. Lala, ulale: Kitoto wee, ulale. 2. Maria kwa upendo mkuu amlaza vizuri. Yosefu amekaa kimya ili asimwamshe. Na wanyama wa nyumbani wamenyamaza kabisa: Lala, ulale: Kitoto wee, uiale. 3. Yesu utakapokua, watakuumiza. Kilimani pa Golgota, utasulibishwa. Kwa hiyo sasa lala tu! Kwa raha na utulivu! Lala, ulale: Kitoto wee, ulale.
Read more

143.Mungu ni wa Utukufu

1. Utukufu ni wa Mungu juu,  tukuzo lote, uwezo wote  ni wa Mungu, Bwana wetu, Bwana Wetu, Mungu ni wa pekee Shangilio lake Lijaze katika dunia popote, Jina lake litukuzwe  na watu wote.  Tumshangilie Mungu  wetu  na Bwana wetu nyimbo za tukuzo tumpeni heshima zote,  tumwimbie, Sifa na tukuzo zampasa  zote ni zake Mungu wetu!  
Read more